2008/08/23
يمكن تقولوا عنكن بعَدنا وديمومة سعاده استبعدنا
وعن هالحزب يمكن اخترنا غير حزب: وبِشي إغراء واعدنا
لا ما بْعَدنا يا شوير عا صنوبرك راية شواهدنا
لا الغير: مهما كان حجم الغير ممكن بإغراؤو يبددنا
ولا خير إلا كلّْ فيكي الخير الإيمان منجدد بيجدّدنا
وخلف الزعامة نجدّ كل السير وحدود هل الأمّة توحّدنا
أمّة تصلّي لربّها بالدير ولربها تصلي بمساجدنا
ونمشي بظل الزوبعة: ولا ضير توحد قضيتنا الصلا ونصير
أخوة بمساجدنا ومعابدنا
ومتل الكأنو المنطقة بالذات مستهدفة وعم يكتروا الغزوا
الآتي بنحنا بينحسب آتي بهالمنطقه مش كل آتي آتْ
مهما الزمان بمنطقه العاتي استفرس علينا وزغزغ النيّات
دمّات غيري متل دمّاتي بترخص وما منستكتر الدمّات
واليوم بالمنطق النزولتي هالأنظمه عم ترتكب نزوات
وللصلح قالوا الموقف مواتي وتبقى الكراسي وتكتر الأموات
فلسطين عالأوهام لا تبالي ولا تصدّقي الحكّام والكذبات
قلِّك سعاده عايشة بذاتي بذاتِك وذاتو وذاتنا منعيش
ما المات عِنَّا استشهد وما مات
لبنان يا صيغة حضاريه يا أرض تموز الخلاصيّه
من بداية التاريخ للتاريخ ضلّيت شمعة فكر مضويه
شاخ الزمان وأنت ما بتشيخ كسّرت أصفاد العبوديه
لا بقنبلة ذرة ولا بصواريخ بحرف، بسفينة جبليه
ودوخت أحقاد العدى تدويخ بوحدة شعب عالحب مبنيه
ومن صخر رافخ عالشمس ترفيخ طحنت الكرامه أكرم من القمح
وخبزتها عالآخ حرَّيه
;)
;)
;)
